smá útúrdúr vegna ömurlegrar fréttamensku...

ég verð bara að taka smá útúrdúr frá viðfangsefni mínu um tillögu Reykjavíkurborgar um viðskiptabann á ísrael...

Ástæðan er þreföld.  Óeirðirnar á musterishæðinni í Jerúsalem undanfarnar vikur. aðalfundur Sameinuðu Þjóðanna í New York sem hefur staðið yfir í tæpa viku og hryðjuverkaárásin í gyðingaparið í Júdeu og Samaríu (vesturbakkanum) í fyrradag og vanhæfni íslenskra (en einnig erlendra blaðamanna til að fjalla um málið.  Það virðist vera að eins og ritstjórum hjá fjölmiðlum, RÚV og fleirum, finnist getu- og þekkingarleysi blaðamanna á ástandinu í Ísrael sé þeirra stærsti kostur...

Óeirðirnar á musterishæðinni byrjuðu þegar gyðingar út um allann heim fögnuðu nýju ári Rosh Hashana, um miðjan septembermánuð.  Svo og í Ísrael...enda búa margir gyðingar þar...  áður gengin ár hafa verið haldnir uppi sömu siðir án þess að það hafi verið til stórfelldra vandræða.  Í ár, eftir hvatningar frá Mahmoud Abbas, forseta palestínumanna, byrjuðu strax mikil læti.  Musterishæðin, þar sem musteri Ísraelsmanna stóð til forna er tiltölulega stór og flöt hæð þar sem nú standa tvær moskur. Al-aqsa moskan og Dome on the Rock, og er gylltur kúpull hinnar síðarnefndu það sem sést á öllum póstkortum frá Jerúsalem.  Al-aqsa moskan er bærilega stór en lætur ekki mikið yfir sér og er staðsett meir "út á kanti" hæðarinnar og tiltölulega langt frá þeim stað sem musterið á að hafa staðið.  Segja má að hæðin sé þrískipt :al-aqsa moskan og umhverfi hennar sem er tiltölulega lítið, Dome on the Rock og umhverfi hennar og svo musterishæðin.  Waqf, nokkurs konar stjórnvöld musterishæðarinnar, er múslimskt og fer með umsjón yfir hæðinni.  Þarna er nóg pláss fyrir alla sem vilja og engin hætta á að tilbiðjandi gyðingar og múslimar, sérstaklega ekki nálægt Al-aqsa, trufli hvor aðra.

En í kringum Rosh Hashana byrjuðu miklar óeirðir frá múslimunum sem vildu meina gyðingum aðgang að musterishæðinni.  Ísraelsk stjórnvöld hafa alltaf séð til þess að svokallað "Status Que" sé til staðar þarna, þeas. að bæði múslimar, gyðingar og aðrir sem vilji geti tilbeðið sína guði óhindrað.... enda er trúfrelsi í Ísrael.

Eftir hvatningar frá t.d. Abbas byrjuðu múslimar að ráðast á gyðinga á hæðinni, meðal annars með grjótkasti (það eru til myndir af samansöfnuðum steinahrúgum innan úr Dome on the Rock sem notaðar eru til grjótkasts) líkamsárásum og öðrum truflunum.

Þetta hefur fjölmiðlum ekki þótt fréttnæmt og ef um er fjallað er eins og gyðingar séu að reyna að vanhelga Al-aqsa moskuna.  Ekkert getur verið fjarri sannleikanum.

Mahmoud Abbas hélt eina þá veruleikafirrtustu ræðu sem unirritaður hefur liðið undir í 40 mínútur á miðvikudaginn hjá Sameinuðu Þjóðunum.  Þar hvatti hann SÞ að samþykkja Palestínu sem fullgildann meðlim, málaði upp Ísrael sem ræningjabæli og talaði um "palestínska friðarmenningu" (Palestinian culture of peace)

Í kringum Rosh Hashana sagði aftur á móti sami Abbas um óeirðirnar á musterishæðinni, sem hann hafði sjálfur hvatt til : "við fögnum (we welcome) sérhverjum blóðdropa í Jerúsalem. Þetta er hreint blóð á leið sinni til Allah"

Í fyrradag voru svo ísraelsk hjón, búsett í Samaríu, drepinn í bíl sínum og fyrir framan fjögur börn sín á aldrinum 4 mánaða til 9 ára, af hryðjuverkahóp tengdum Al-aqsa Brigades, hinum vopnaða væng Fateh sem er flokkur Mahmoud Abbas.  Sá hópur hefur lýst því yfir að drápin voru "nauðsynleg vegna skyldu þeirra við heilagt jihad"

Drápunum hefur verið fagnað gríðarlega af palestínumönnum og hafa meðal annars hryðjuverkasamtökin Hamas kallað þetta ódæðisverk fyrir "hetjulega árás" (tveir menn sem biðu í leyni og skutu á bílinn þegar hann kom nálægt) og haldnar hafa verið fagnaðarhátíðir meðal palestínumanna bæði á Gaza og í Júdeu og Samaríu.

Það einkennilega við þetta allta saman að þegar þetta loksins ratar til fjölmiðla eins og RÚV að það er þetta allt orðið skrumskælt og lítur út eins og það sé ísrael og gyðingunum að kenna að þessi hjón voru drepin í engu öðru en hryðjuverkaárás.

Sænska SVT (samsvarandi RÚV) birti á textavarpi sínu smá frétt þar sem það lítur fyrir að þau hafi átt þetta skiið fyrir að hafa verið "landtökufólk" og hryðjuverkamennirnir kallaðir "skyttur" og RÚV getur ekki fjallað um málið án þess að blanda inn óróanum á musterishæðinni og ljúga til um að "Ísraelsk yfirvöld hafa meinað palestínumönnum aðgang að Al-aqsa msokunni í austurhluta Jerúsalem" eins og það sé ástæðan fyrir ódæðinu.

Er of mikið að ætlast til þess að blaðamenn sem fjalli um jafn viðkvæm mál geri heimavinnuna sína?

Athugasemdir

[wilfred (IP-tala skráð) 3.10.2015 kl. 11:48]

íslenskir fjölmiðlar og fólkið sem þar vinnur er svo mikð drasl að ég tek akkurat ekkert mark a þeim

[Viktor, 3.10.2015 kl. 13:41]

Allir eru frjálsir til að hafa eigin skoðanir á mönnum og málefnum...ágætt að hafa í huga að skoðanir okkar byggjum við á þeim upplýsingum sem við fáum/höfum og rangar upplýsingar geta leitt til rangra skoðanna...en sjálfur vill ég ekki trúa að fjölmiðlafólk sé "drasl". En vinnubrögð þeirra eru oft ekki mönnum bjóðandi.

[Tómas Ibsen Halldórsson, 3.10.2015 kl. 14:20]

Allt sem þú segir hér Viktor er hárrétt.  Menn þurfa ekki að reyna mikið á sig til að álikta að vestrænir fjölmiðlar séu leynt og ljóst að kynda undir Gyðinga hatur.

Eins og þú segir er ekki að sjá að fjölmiðlafólk leggi mikið á sig til að rannsaka sannindi þeirra frétta sem þeir flytja eða hvað raunverulega býr að baki.  Margar fréttir sem fluttar eru eru rangtúlkaðar og afmyndaðar svo vægt sé til orða tekið.

[Mofi, 3.10.2015 kl. 17:33]

Það er ekki að undra að stór hluti almennings á Íslandi hata gyðinga, RUV hreinlega fjöldaframleiðir þá með lygum eða afskræmingum. Gaman að vita hvort það er viljandi eða hvort þetta eru óvitar.

[Viktor, 3.10.2015 kl. 19:02]

Rétt Tómas Ibsen. Ég get bara tjáð mig um þau málefni sem ég þekki en ég á ágætis vin sem hefur starfað sem fjármálablaðamaður og mogginn fær ekki háa einkunn frá honum heldur, eða aðrir íslenskir fjölmiðlar...

Já, það væri gaman vita Mofi. En hvort sem er, þá er þessi frêttamenska fyrir neðan allar hellur. Það kæmi mér ekki á óvart þó þetta væri bara bein þýðing úr frétt frà BBC eða álíka

[Valdimar Samúelsson, 3.10.2015 kl. 19:05]

Mikið rétt Viktor þeir segja ekki sannleikan. Þessa grein á að senda fjölmiðlum og krefjast svara.                                                                                                                                                                                                                                                                                                              

[Sigurður K Hjaltested (IP-tala skráð) 4.10.2015 kl. 12:40]

Svo satt sem þú segir. Það er sorlegt hvað eru margir bláeygðir á Íslandi og gleypa múslima áróðurinn án þess svo mikið sem að reyna athuga hvað er á bakvið. Bara ártalið hjá þeim 1436 og árið 354 dagar en ekki 365, segir allt hvert þeir vilja fara með vestræna menningu. Aftur til miðalda. Hins vegar er það sorglegt að við höfum ekki lengur alvöru blaðamenn á Íslandi, en nóg af blaðursmönnum.

[Viktor, 4.10.2015 kl. 13:24]

Var hálf efins um hvort ég ætti að samþykkja komment þitt Sigurður... þó múslimar séu ekki kynþáttur er það kynþáttahatur að setja þá alla undir sama hatt og tileinka þeim persónueinkenni, hegðun, ásetning og annað.  Þú mátt gjarnan útskýra betur hvað þú átt við.  Sérstaklega með "múslima áróðurinn"

[Sigurður K Hjaltested (IP-tala skráð) 4.10.2015 kl. 16:40]

Sæll Viktor. Svo ég svari þinni spurningu varðandi "múslima áróður" þá tek ég það fram að ég er ekki að tala um kynþátthatur, heldur trúna sem slíka.þ.e.a.s. Islam. Þeim hefur tekist að troða sýnum hefðum inn í okkar vestrænu gildi hægt og næstum því hljóðalaust. Nú er það svo að í Svíþjóð náðu þeir í gegn, með aðstoð þessarar bláeygðu, að í gildi eru lög sem varða fangelsisvist ef þér dettur í hug að setja eitthvað út á þeirra trú. Sama er að ske annarstaðar í Evrópu, þegar tilteknum fjölda er náð, þá krefjast þeir þess að fá Sharija og lög þess lands sem þeir búa í eru minn virði heldur en kóransins. Þínir pistlar hafa einmitt gengið út á það, varðandi Ísrahel, hvernig fréttaflutningur er kæfður niður ef múslimar eiga í hlut. Ég vill að umræðan um Islam sé skoðuð með hliðsjón af því hvað hún boðar og hvernig hún mismunar fólki, án þess að vera kallaður rasisti eða eitthvað þvílíkt verra. Þöggun um sannleikan er þeirra aðferð.

M.b.kv.

[Viktor, 5.10.2015 kl. 03:45]

Takk fyrir svarið Sigurður. En hvað varðar þau lög sem þú nefnir þá finnast þau ekki.  Ég bý í Svíþjóð og hér ríkir fullt tjáningarfrelsi eins og talað er um í Mannréttindasáttmála Sameinuðu Þjóðanna.  Þér er frjálst að gagnrýna íslam eins mikið og þú villt... og er það reyndar gert frá fjölda manns, fullum hálsi, allann daginn, alla daga vikunnar.

Íslam sem hugmyndafræði er "boðandi". Þeas. takmarkið er heimsyfirráð alveg eins og í kristinni trú og annarri hugmyndafræði.  Mistökin eru að neitast að horfast í augu við þetta því ólíkt kristinni trú má íslam "boðast" með sverðinu og að þvínga fólk til hlýðni við trúna er sjálfsagt mál innan margra greina af íslam.

En þú getur verið rólegur.  Þrátt fyrir mikinn ágáng margra múslima víða í Evrópu stendur gamla álfan tiltölulega stöðugum fótum og enn sem komið er er framgangur íslams í evrópskri siðmenningu, sérstaklega með tilliti til lagasetninga, þokkalega ómerkjanlegur.

Ennþá.

[Þorsteinn Sch Thorsteinsson (IP-tala skráð) 5.10.2015 kl. 08:38]

Sæll Viktor

Málið er að ég finn ekki neitt um þetta mál sem þú ert að tala um hérna, eða um þessi: "ísraelsk hjón, búsett í Samaríu, drepinn í bíl sínum og fyrir framan fjögur börn sín á aldrinum 4 mánaða til 9 ára, af hryðjuverkahóp tengdum Al-aqsa Brigades, hinum vopnaða væng Fateh sem er flokkur Mahmoud Abbas." En hérna hvar eru einhverjar heimildir eða tilvitnanir frá Palestínumönnum er staðfesta þetta allt saman?

Nú og ekki finn ég neitt, sem styður þetta "nauðsynleg vegna skyldu þeirra við heilagt jihad" frá Palestínumönnum, en hvar eru einhverjar heimildir eða tilvitnanir frá Palestínumönnum er staðfesta þetta?

Þar sem þú ert á því að að Ísrelsk yfirvöld hafi EKKI meinað Palestínumönnum aðgang að Al-aqsa msokunni í Austurhluta Jerúsalem, hvar er eitthvað sem segir að þetta hafi verið leiðrétt í fréttum og/eða segir að Palestínumenn hafi komist inn í Al-aqsa moskuna? 

[Viktor, 9.10.2015 kl. 14:41]

Sæll Þorsteinn.  Það er kraftaverki líkast að þú skulir ekki finna neitt um þetta.  Fjölmiðlar hafa fjallað töluvert mikið um þetta og í dag hafa yfir 60 hryðjuverkaárásir af hendi palestínumanna verið framdar í Ísrael á síðustu 7 dögum.