Færsluflokkur: Mannréttindi

Ályktanir Sameinuðu Þjóðanna, Ísrael og úrganga USA úr Mannréttindaráðinu.

Nýverið yfirgáfu Bandaríkin Mannréttindaráð Sameinuðu Þjóðanna. Það sem batt endahnútinn á veru Nikki Haley, fulltrúa USA í ráðinu, var ályktun sem lögð var fram í kjölfarið á viðureignum Ísraels og Hamas hryðjuverkasamtakanna á Gaza þar sem yfir 100 Palestínumenn voru skotnir af Ísraelskum leyniskyttum.

Mikið hefur verið skrifað um bæði atburðina á Gaza og úrsögn Bandaríkjanna úr ráðinu og skýringa er þörf. Í þessum pistli, sem verður langur og allt í belg og biðu, mun ég einungis taka fyrir ályktunina sem varð til þess að Bandaríkin á endanum yfirgáfu Mannréttindaráðið.

Kíkjum á ályktunina, eða réttara sagt hvað er á bakvið hana...og er eitthvað sem íslenskir fjölmiðlar munu aldrei fjalla um.

Öll ályktunin getur lesist hér: https://undocs.org/A/ES-10/L.23

Í fyrsta lagi eru ályktanir SÞ einmitt bara það. Ályktanir. Þær eru ekki alþjóðalög eins og margir "stuðningsmenn Palestínu" virðast halda. Alþjóðalög koma, meðal annars, til þannig að einhver regla (eða annað "practice") verður sameiginlegt gildis- og hegðunarmat fleiri landa þangað til að nógu mörg lönd virða regluna sem eitthvað sem öllum ber skylda að rétta sig eftir.

(Verð að biðjast afsökunar á íslenskunni. Ég er svo vanur að fjalla um þetta á ensku eða sænsku að það er rosalega erfitt fyrir mig að útleggja þetta á íslensku. Vona að þið skiljið samt?)

Þetta á að sjálfsögðu við um ályktanir SÞ líka og er ein af ástæðunum fyrir því að löndin sem tilheyra Arab League og OIC, og/eða önnur lönd og ríki sem vonast efitr pólítískum ávinningi, leggja fram ályktanir um Ísrael/Palestínu í hvert einasta sinn sem UNHRC (Mannréttindaráð SÞ...sem er bara brandari og líklega erum við að sjá Bandaríkin yfirgefa...aftur...á næstu dögum eða vikum (þetta blogginnegg er upprunalega svar á Facebook og var skrifað nokkrum dögum áður en Bandaríkin yfirgáfu Mannréttindaráðið) en hefur nú fengið smá breytingu og viðbætur) kemur saman. Reyndar er það þannig að þegar ég hef fylgst með útsendingum Mannréttindaráðsins, Öryggisráðsins eða Alsherjarráðsins, eða annarra deilda innan SÞ, á vef SÞ, að það fer ca 50% tímans í að rakka niður á Ísrael. Sérstaklega Öryggisráðið og Mannréttindaráðið hafa lítið annað að gera... og UNESCO er alveg sér kapítuli þar sem það eina sem eftir er er að neita að Ísrael sé Ísrael, að neita því að gyðingar séu gyðingaar, að bæði Narnía og Draumalandið séu aðildarríki að SÞ og að Harry Potter verði Aðalritari. Svo raunveruleikafirrt er ástandið þar á bæ.

Þar sem Ísrael er eina landið í öllum heiminum sem á fastan punkt (UNHRC agenda item 7) í prógrammi deilda innan SÞ þá er nauðsynlegt að, þegar lagðar eru fram ályktanir varðandi Ísrael hjá SÞ að vita hverjir leggja þær fram, hvar og af hverju.


Og þegar það eru lagðar fram ályktanir sem varða Ísrael verður þetta mjög einfalt mál. Mjög mjög mjög einfalt.

Hér er grein frá 2016 (tölfræðin hefur lítið beeytst síðan þá) sem lýsir vel hvað er í gangi þegar það kemur að ályktunum um Ísrael hjá SÞ: https://www.unwatch.org/un-israel-key-statistics/

Í fyrsta lagi eru SÞ engin heilög belja sem gerir alltaf allt fullkomlega rétt. Íslendingar þurfa að venja sig af þessarri einfeldninglegu barnatrú sinni á fullkomleika Sameinuðu Þjóðanna.


Sjáið nú til. Aðildarríki Sameinuðu Þjóðanna eru 193 talsins. Af þeim eru (skv. Freedom House) einungis 86 þeirra sem eru "full democracy" eða "fully free". Þeas. 45% af ríkjum SÞ hafa sömu eða svipuð gildi og Ísland og restin af því sem við köllum hinn "Frjálsa Heim".

Restin af aðildarríkjunum, eða 55% (sem er hreinn meirihluti vegna þess að öll ríki, frjáls eða ekki, hafa eitt atkvæði í öllum atkvæðagreiðslum) eru allt frá því að vera "að hluta til frjáls" upp til "harðstýrð einræðisríki".  Flest þessarra ríkja hafa gjörólíka heimssýn en þá sem ríkir á vesturlöndum. Sem dæmi má nefna að í Miðausturlöndum þekkist varla trúleysi. Allir trúa á eitthvað eða einhvern og í Egyptalandi er frammi lagafrumvarp þar sem lagt er til að trúleysi verði gert glæpsamlegt og að sá sem aðhyllist trúleysi geti verið dæmdur til fangelsisvistar. Og norsk kona sem var nauðgað í Sádi Arabíu var fangelsuð fyrir að vera úti án fylgdar karlmanns þegar hún kærði nauðgunina til lögreglunnar. Að karlmaður hjálpi til með heimilisstörf í Pakistan er algerlega óhugsandi og svona mætti áfram telja. Fæst þeirra styðja vesturlendsk sjónarmið, lýðræði, frelsi mannréttindi...eða Ísrael... og valdamesti og stærsti aðilinn meðal þessarra ríkja er samband múslimalandanna, OIC. Organisation of Islamic Cooperations. OIC telur 57 aðildarríki sem, að undanskildum Senegal og Túnis (Túnis er reyndar enn sem komið er óskrifað blað) sem eru einu löndin samkvæmt Freedom House og Economist sem "Frjáls". Öll önnur lönd innan OIC eru annað hvort "Ekki frjáls" eða "Að hluta til Frjálst". Pakistan er t.d. "að hluta til frjálst" en þar eru minnihlutahópar hart ofsóttir og innbyrðis skærur og óöryggi í landinu gera að verkum að erlendir fjárfestar og stærri fyrirtæki hætta ekki á nærveru í landinu. En komum að OIC betur síðar...

Það má ekki gleyma því hvaða hugmyndafræði það er sem stýrir hinum ýmsu aðildarríkjum SÞ. Í Íslands tilfelli er það t.d. blanda af Kristindómi, veraldarhyggju, Darwinisma, blöndu af hinum ýmsu pólitísku stefnum og öðru sem hefur mótað hugarfar íslendinga og þar af leiðandi heimssýn okkar og pólitík.

Í Kína er það í stórum dráttum kommúnismi og blanda af gamalli heimsspeki Taóisma, Daóisma, Buddhisma ofl.

Innan aðildarríkja OIC er það Íslam. Nánast einungis. Það er mismunur á hinum ýmsu löndum innan OIC hvaða stefnu Íslams ákveðið land fylgir og hversu miklum áhrifum það land hefur orðið fyrir af annarri hugmyndafræði. Líbanon er t.d. mjög frjálst íslamskt land með miklum vestrænum áhrifum meðan að lönd eins og Íran er sharíastýrt íslamskt einræðisríki þar sem ekkert annað kemst að.

Þetta ætti fyrir eðlilega þenkjandi fólk að draga fram þá einföldu og augljósu staðreynd að Sameinuðu Þjóðirnar eru í raun og veru ekkert sérstaklega "Sameinaðar".

Og langt frá því að vera eitthvað samfélag ríkja sem aðhyllast lýðræði, frelsi, mannréttindi og annað sem við á Vesturlöndum teljum sjálfsagða hluti í tilverunni.

Þannig að þegar hin ýmsu lönd gefa atkvæði sitt í kosningum verður að hafa í huga að ekki öll lönd hugsa á sama hátt, eða hafa sömu skoðanir og viðmið, á þeim málefnum sem verið er að kjósa um...og mörg af þessum löndum eiga ekki í neinum vandræðum með að selja atkvæði sitt ef vel er boðið. Mútuþægni er vel þekkt vandamál innan SÞ en lítið er hægt að sanna eða gera við því.


Þetta verður mjög augljóst ef maður þekkir til landsins sem leggur fram ályktun og við sjáum hvernig viss lönd veita sitt atkvæði, þá verður það augljóst hvaða hugmyndafræði það er sem er á bakvið, og þegar það varðar Ísrael, þá er það ekkert sem spilar jafn stóra rullu og Íslam.


Samkvæmt íslam er landið Ísrael eitt "Waqf", eða landssvæði sem tilheyrir Íslam og má aldrei vera stýrt af neinum öðrum.

Þetta er aðal ástæðan fyrir því að Arababandalagið neitaði Palestínsku ríki 1947, að Múslimar hafa startað nokkrum stríðum til að "frelsa" "Palestínu" síðan þá...og tapað þeim öllum... að þeir hafa hafnað öllum (7) friðartilboðum Ísraels (nýverið hafnaði forseti Palestínu, Mahmoud Abbas friðartillögu Bandaríkjanna án þess einu sinni að líta á hana, og er það í 8 skiptið sem friðartillögu er hafnað í þessarri deilu) og allann tímann kallað eftir "jihad" gegn zíonistunum/Ísrael/gyðingum í gegnum tíðina og allt fram í skólabækur palestínskra barna í dag.

Aðalatriðið, og það sem þarf alltaf að vera í meðvitundinni, er að í huga Palestínumanna og margra múslima má aldrei finnast neitt sem heitir Ísrael, sem er gyðinglegt ríki, og það landsvæði sem tilheyrir Ísrael nú verður að koma aftur undir yfirráð íslams. Þetta predikaði "Faðir Palestínu" Amin al-Husseini, lærisveinn hans: hryðjuverkamaðurinn Yassir Arafat, núna arftaki hans og forseti Palestínu, Mahmoud Abbas, og aðrir leiðtogar múslimskra landa eins og t.d. Khamenei í Íran gerir nú daglega, Erdogan í Tyrklandi...sem er nýbúinn að kalla eftir því að múslimar heimsins myndi einn stórann her og ráðist á ísrael, Assad Sýrlandsforseti ofl.

Næst stærstu samtök heimsins (SÞ eru stærst) eru ofannefnd OIC eða Organisation of Islamic Cooperation https://www.oic-oci.org/home/?lan=en og þessi samtök stjórna í dag öllu sem viðkemur Ísrael innan veggja SÞ. OIC voru stofnuð 1969 til að bregðast við þegar ástralskur túristi kastaði molotovkokteil inn í al-Aqsa moskuna í Jerúsalem. Síðan þá breiðir OIC út lygina um að Ísrael vilji eyðileggja al-Aqsa og Dome on the Rock moskurnar á Musterishæðinni í Jerúsalem og má heyra hróp um að vernda al-Aqsa koma frá Abbas, Al-Sissi, visir.is og rúv. Ásamt öðrum. 

OIC eru fyrst og fremst múslimsk trúarsamtök og allt sem þau gera er gert í samráði við sharía dómstóla og með það að markmiði að fremja íslam í heiminum. OIC samþykkir ekki Mannréttindasáttmála SÞ (en á samt fjölda aðildarríkja í Manréttindaráðinu) og hafa sinn eigin, svo kallaðan "Kairó Sáttmála" Cairo Declaration sem segir skýrt og skorinort að mannréttindi tilheyri einungis múslimum og því meiri múslimi sem þú sért því meiri réttindi áttu að hafa. OIC berst gegn tjáningarfrelsi og ritfrelsi ásamt trúfrelsi (samkvæmt OIC finnst bara ein trú...gettu þrisvar hvaða?) Kairo Declaration hefur að sjálfsögðu mætt mikilli gagnrýni.

OIC ríki leggja alltaf atkvæði sitt í samræmi við stefnu OIC. Með einungis einstaka undantekningum. Þar af leiðandi eru önnur aðildarríki SÞ undir miklum þrýstingi að leggja sín atkvæði á sama hátt til að geta notið stuðnings OIC landanna síðar og ekki má gleyma vanheilögu hjónabandi íslams og sósíalismans, sósíalísk lönd kjósa venjulega á sama hátt og hin íslömsku og svo að sjálfsögðu olían. En OIC löndin eru mikilvæg til að sjá Vesturlöndunum fyrir nauðsynlegri olíu og er olían mikill áhrifavaldur þegar atkvæði eru greidd innan SÞ. Aðrir mikilvægir áhrifavaldar þegar kemur að OIC eru önnur viðskipti og stjórnmálasamband og að síðustu óttinn við hryðjuverk. Nánast öll hryðjuverk sem framin eru í heiminum í dag eru framin af öfgamúslimum og er almennt talið að velvilji í garð múslimskra landa minnki hættuna á hryðjuverkum í því landi sem sýnir íslam velvilja. Það er nauðsynlegt að taka fram í þessu samhengi að svo til engin lönd innan OIC styðja hryðjuverk og að OIC sem samtök fordæma hryðjuverk framin af íslamistum sem og öðrum.

En OIC er á bakvið þessa ályktun sem fjallar um að vernda saklausa Palestínumenn (ekki Hamas hryðjuverkamenn, sem við vitum að eru minnst 80% af þeim sem hafa látist) í átökum.

Ályktunin einkennist af íslömsku sjónarmiði og styðst við fjölmargar aðrar ályktanir, t.d. 242 sem er grundvöllurinn að friðarviðræðum Ísraels og Palestínu og er tekin fram eftir Sex Daga Stríðið 1967, 338 sem er samþykkt eftir Yom Kippur stríðið 1973, 605 þar sem Ísrael er fordæmt fyrir að verja sig gegn hryðjuverkum í fyrsta intifadan 1987 og að sjálfsögðu kveðjugjöf Obama til Netanyahu, forsætisráðherra Ísraels, ályktun 2334 þar sem Ísrael er fordæmt fyrir landnemabyggðir á herteknu svæðunum. Ályktunin hafði verið lögð fram áður en þá notaði USA neitunarvald sitt en þáverandi fulltrúi USA, Samantha Power, beitti ekki neitunarvaldinu seinna í desember 2016 og er það víðtekið álit sérfræðinga að sú ályktun var einungis samþykkt vegna haturs Obama á Netanyahu. 

Að auki nefnir ályktunin hvergi þáttöku Hamas hryðjuverkasamtakanna í uppþotunum og skellir allri skuld á öllu sem ályktunin tekur fram, ástandið á Gaza, neyðaraðstoð, uppþotum og óeirðum í Austur-Jerúsalem osvfrv á Ísrael.

Reyndar tókst Nikki Haley að fá samþykkta viðbót við ályktunina nokkrum dögum síðar þegar hún var lögð fram hjá Alsherjarráðinu þar sem Hamas er fordæmt fyrir þáttöku sína og ábyrgð á ofbeldinu. Hana má lesa hér: https://www.un.org/unispal/wp-content/uploads/2018/06/A.ES_.10.L.24.pdf

Ályktunin sem fordæmir Ísrael hafði fyrst verið lögð fram hjá Öryggisráðinu en þar notuðu Bandaríkin neitunarvald sitt til að fella hana og var þá brugðið á það ráð að leggja hana fram til kosningar í Alsherjarráðinu (General Assembly).

Ríkin sem lögðu fram ályktunina, að undirlagi OIC eru Alsír og Tyrkland ásamt að sjálfsögðu Palestínu, sem þrátt fyrir að vera hvorki land né ríki hefur ákveðna stöðu innan SÞ (að sjálfsögðu...(sic)). 

Alsír, þar sem "mótmæli" eins og á Gaza eru bönnuð, konur eru hýddar opinberlega, hommar eru hengdir og hendur höggnar af þjófum, hefur miklar áhyggjur af ástandinu á Gaza. Miklu meiri en af ástandinu í Yarmouk flóttamannabúðunum í Sýrlandi þar sem fleiri hundruð Palestínumenn hafa verið drepnir síðustu vikurnar af Assad. Mannréttindasamtök eins og amnesty geta ekki skráð sig í Alsír, sem gerir þeim ókleift að starfa þar, og fólk sem berst fyrir tjáningarfrelsi, eða á einhvern hátt gagnrýinr Alsírsk stjórnvöld, deyr í fangelsum í Alsír.

Alsír gefur ekki vegabréfsáritanir til Ísraels og fólk með Ísraelískt vegabréf er ekki hleypt inn í landið.

Þetta er sem sagt eitt landanna sem hefur svo miklar áhyggjur af ástandinu á Gaza.

Annað land er Tyrkland. Sem á heimsmet í fangelsun blaðamanna og þar sem minnihlutahópar eru ofsóttir svo harkalega að það er jafnvel ráðist inn í Sýrland til að drepa Kúrdana þar og þar sem kirkjur eru nú teknar eignarhaldi af yfirvðldum og þeim breytt í moskur. Spilling er gríðarleg í Tyrklandi, og vegna stjórnarskrárbreytingar sem samþykkt var á síðasta ári hefur sitjandi forseti alræðisvald. Og viti menn... haldiði ekki að Erdogan hafi "óvænt" verið endurkjörinn forseti í  nýyfirstöðnum forsetakosningum í Tyrklandi...

Tyrkland hefur miklar áhyggjur af ástandinu á Gaza.

En það var ekkert vandamál að kaupa olíu af ISIS. Eða hylla Hamas fyrir hryðjuverk, eða, eins og áður er skrifað, hvetja til að múslimalöndin myndi sameiginlegann her til að þurrka Ísrael út af kortinu. 

Og svo er þriðja landið að sjálfsögðu "Palestína". Sitjandi forseti, Mahmoud Abbas sem er á sínu 13 stjórnarári af þeim 4 sem hann var kosinn til, er alkunnur gyðingahatari sem hefur lýst því yfir að hann muni aldrei líða að einn einasti gyðingur fái að búa í Palestínsku ríki, og hvers fölskylda er búin að búa þarna síðan á tímum risaeðlanna (hann sagði það í alvöru) og sem tekur af lífi hvern þann Palestínumann sem selur fasteign til gyðings á sjálfsstjórnarsvæðum Palestínumanna ásamt því að vera duglegur að hygla fjölskyldu og vinum með peningum frá þeim alþjóðlegu styrkjum sem eiga að renna til að byggja upp Palestínskt ríki (2016 var "Palestína" búin að fá fjárhagsaðstoð sem mótsvarar 16 sinnum Marshallhjálpinni sem var notuð til að endurreisa Evrópu eftir WW2, eða 16x110.000.000.000 usd. Af þeim peningum eru ríflega 2.000.000.000 "sporlaust horfnar") og borga hryðjuverkamönnum sem sitja í ísraelskum fangelsum "laun". Fyrir 2018 fara ca 7% af alþjóðlegum hjálparstyrkjum til þessa eða ca 400.000.000 usd. Með öðrum orðum þá fara peningar íslenskra skattgreiðenda sem eru notaðir í neyðaraðstoð til Palestínu til að borga morðingjum laun.

Ef lesandinn er óánægður með í hvað skattarnir hans eru notaðir mæli ég með að hann setji sig í samband við utanríkisráðherra og krefjist þess að Ísland, eins og Bandaríkin gera nú með "Taylor Force Act" (Taylor þessi var bandarískur ferðamaður sem var drepinn af palestínskum hryðjuverkamanni í Ísrael árið 2016) og stoppi allann fjárhagsstuðning til PA (Palestinian Authority)

Þessi þrjú lönd og samtök eru aðalleikararnir í þessarri ályktun.

Lönd sem nota hvert tækifæri sem gefst til að drepa eigin þegna og samtök sem vilja að allur heimurinn heyri undir sharia lög.

Eins og áður er sagt þá nefnir ályktunin hvergi hlutverk Hamas. Sem þó eru ábyrg fyrir "mótmælunum" og hafa lýst því yfir að mótmælin séu bara yfirskin til að geta brotist inn í Ísrael og framið hryðjuverk þar.

Stjórnarskrá Hamas lýsir skýrt og greinilega því yfir að tilgangur og meginmarkmið samtakanna sé gereyðing Ísraels. Þeim er skítsama um "Palestínu" eða palestínska araba. Þeir vilja bara framfylgja kóraninum og endurheimta sitt Waqf. Hvað sem það kostar.

Þessi ályktun er því bara enn ein bitlaus ályktunin sem snýst um að Íslam vill ráða yfir því landi sem Ísrael er byggt á.

Og til þess nota samtök og lönd öfgafullra múslima, Sameinuðu Þjóðirnar, til að geta framfylgt boðum leiðtoga sinna um Jihad. 

Það er það sem þetta snýst um.

Að samþykkja ályktanir sem eru lagðar fram af íslömskum öfgasinnum, gyðingahöturum og einræðisherrum sem ofsækja eigin þegna og fótumtroða mannréttindi og sem auk þess hafa að aðalmarkmiði með ályktuninni að þurrka Ísrael út af kortinu, er geðbilun á háu stigi.

Og það að Ísland skuli taka þátt í þessu er harmleikur.

Þetta var bara lítið eitt um ályktunina, hvað og hverjir eru á bak við hana og hvaða tilgangi hún gegnir og ég vona að þetta varpi ljósi á að Sameinuðu Þjóðirnar eru engin óbrigðul samtök og hvers ályktanir allt of sjaldan eru til góðs.

Ísland sem aðildarríki að SÞ þarf að ákveða hvaða siðferðislegu viðmiðum landið ætlar að fylgja í framtíðinni þegar það kemur að að veita atkvæði sitt í ályktunum sem eru lögð fram af ríkjum sem á engann hátt endurspegla viðhorf okkar til heimsins og/eða hvað sem er rétt og rangt eða gott og vont og jafnvel, eins og í þessu tilfelli, á engann hátt geta orðið til góðs fyrir þann heim sem við viljum skapa og búa í, varðveita og erfa börnin okkar að.

Ég á erfitt með að trúa að nokkur Íslendingur styðji fangelsun blaðamanna, hýðingar kvenna á almannafæri eða dauðarefsingu fyrir að selja fasteign. Af hverju í ósköpunum ættum við að vera að styðja þá við bakið á slíkum ríkjum innan veggja Sameinuðu Þjóðanna sem voru stofnuð með það að markmiði að bæta heiminn sem við lifum í?

Bandaríkin gerðu rétt með að yfirgefa ráð sem eyðir helmingnum af tíma sínum í að ofsækja eitt ríki og neytar að breyta hegðun sinni. Ísland ætti að fara að dæmi þeirra. Það væri það siðferðislega rétta að gera.

Því að hver vill lifa í heimi þar sem við keppumst um að skaða hvor aðra með glórulausum ályktunum vegna ofstækisfullra trúarsjónarmiða?


Er Trump bara allt í öllu?

"Einnig er talið, að því er fram kem­ur í frétt AP, að mót­mæl­in séu vegna þeirr­ar ákvörðunar Don­alds Trump Banda­ríkja­for­seta að ganga út úr kjarn­orku­vopna­sam­komu­lagi ír­anskra stjórn­valda."

Einhvern veginn tókst AP fréttaveitunni, og Mogganum í framhaldi af því, að kenna Trump Bandaríkjaforseta um mótmælin í Íran sem eru nú búin að standa yfir í nokkra mánuði.

Staðreyndirnar eru þær að íranir eru búnir að fá meir en nóg af gerspilltri og öfgafullri hryðjuverkastjórn klerkaveldisins í Íran sem hefur meiri áhuga á að styðja stríð og hryðjuverk í nafni shiaislams út um heim allann en á að byggja upp Íran.

Fólkið í Íran borðar úr ruslatunnum meðan Houthis i Yemen fá miljónir dollara til stríðsreksturs og Assad í Sýrlandi, Hezbollah í Líbanon og Hamas á Gazaströndinni fá bæði vopna- og fjármálaaðstoð frá Íran.

Ekkert af öllum þeim milljörðum sem hafa streymt inn í Íran eftir kjarnorkusamning Obama hafa skilað sér út í þjóðlífið og hinn venjulegi Írani er búinn að fá nóg á Khamenei og hans liði.

Mótmælin hafa beinst gegn yfirvöldum á margann hátt. Fyrst og fremst gegnum mótmæli, eins og í Teheran í dag, fæst mótmælin hafa verið skipulögð og liggur þar stærsti veikleiki mótmælanna. Mótmælendur eru mjög sundraðir og lítin sem engin stefna hefur einkennt þau önnur en sú að fá Khamenei frá völdum. Hvað á að koma í hans stað er ekki víst.

En eitt er víst og það er að Íranir vilja fá lýðræði. Konur hafa kastað af sér slæðunum, og verið fangelsaðar fyrir, fólk hefur stðaið upp í hárinu á siðferðislögreglunni og birt myndbönd af sér dansandi um göturnar. Dans á almannafæri, sér í lagi "vesturlendskur" dans er bannaður með lögum, og verkföll hafa verið tíð. Einna mesta athygli vakti verkfall flutningabílstjóra fyrir nokkrum vikum en þá stoppaði Íran bókstaflega.

Það eina sem hefur ekkert að gera með þessi mótmæli er Trump. Annað en það að hann sagði strax í byrjun að Bandaríkin styddu íranska fólkið í baráttu sinni fyrir frelsi.

Því það er hvað þetta er um.

Frelsi.

Og að blanda Trump ínn í mótmælin í Íran og gera þar með lítið úr hugrekki íranska fólksins sem hefur verið að gefa líf sitt fyrir baráttuna fyrir frelsi er lágkúra.

Og ekkert sem Morgunblaðið ætti að taka þátt í.

Hvað sem AP segir.

Mogginn gæti t.d. notfært sér það sjálfsagða frelsi, sem Íranir eru að berjast fyrir, að fá að hugsa sjálfir og birta sannleikann á prenti en ekki bara APa upp það sem aðrir skrifa og segja.

Mogginn ætti heldur að fara eftir frumkvæði Trumps og birta daglega fréttir frá mótmælunum.

Íranska fólkið yrði þakklátt fyrir það.


mbl.is Fjöldamótmæli í Tehran
Tilkynna um óviðeigandi tengingu við frétt

Nazistafánar í Morgunblaðinu. Eða réttara sagt skorturinn á þeim.

Þetta er merkileg frétt. Hér er mogginn með rosa scoop um ástralska hermenn í Afganistan sem flögguðu Nazistafána árið 2007.

Það hefur aftur á móti ekkert verið fjallað um alla nazistafánana á Gaza síðustu vikur í mogganum. Palestinian-Flag-Swastika-via-IDF-e1523190986693-620x436Svastikan er gjarnan máluð á flugdreka sem Palestínskir arabar senda með Mólotovkokteila inn í Ísrael þar sem þeir eru búnir að valda miklum spjöllum á uppskeru, gróðri og jafnvel dýralífi. Það síðasta er að senda þessa flugdreka með sprengjur inn í Ísrael í von um að Ísraelísk börn laðist að þeim. Oft vel skreyttir með litríkum blöðrum. 
Hamas-Kite-Swastika-Molotov-Cocktail-Gaza-4-20-2108
Og eins og sjá má eru Palestínumenn geysilega stoltir af þessum uppfinningum sínum. En það er eins með þetta og aðrar fréttir frá Palestínskum hryðjuverkamönnum og athöfnum þeirra að um þá er ekki fjallað í Morgunblaðinu.

Af hverju? 4B5C715A00000578-5638821-image-a-82_1524235807477
Í maímánuði birti mbl.is frétt sem fullyrti að ungabarn hefði dáið af völdum táragas frá Ísrael. Nú eru foreldrarnir búnir að játa að Hamas borgaði þeim fyrir að ljúga að fjölmiðlum.

Verður það leiðrétt?

Ég ætla ekki að halda í mér andanum í biðinni eftir því.

En þó að það eigi að sjálfsögðu fyllilega rétt á sér að fjallað sé um ástralska hermenn akandi um með Hakakrossinn fyrir 11 árum síðan, þá skýtur skökku við að ekki sé fjallað um Palestínumenn að flagga nazistafánum í gríð og erg bara síðustu vikurnar?

Af hverju á það minni rétt á birtingu og umfjöllun?

Af hverju er 11 ára gamalt mál fréttaefni en ekki það sem er að gerast í dag?

mbl.is þarf að fara að spyrja sig býsna margra spurninga um af hverju nálgun þess á fréttaefni er svona hlutdræg.

(Allar myndirnar í þessari bloggfærslu eru teknar á síðustu vikum, þ.e.a.s. á sama tíma og "The Great Return March" hefur staðið yfir)


mbl.is Flögguðu nasistafána í Afganistan
Tilkynna um óviðeigandi tengingu við frétt

Drynjandi dauðaþögn íslenskra fjölmiðla afhjúpar hlutdrægni.

Í gærkvöld var haldin merkur atburður á Grand Hótel.  Reyndar merkasti atburður sinnar "tegundar" síðustu ára.  Þar talaði Ben-Dror Yemini, ísraelskur blaðamaður um málefni eins og:  hernám, Gaza, Hamas, BDS og gyðingahatur, svo fátt eitt sé nefnt.  Mér skilst að eftir erindið hafi verið frjálst að setja fram spurningar.

Hér var mættur maður sem gjörþekkir málavöxtu, er frá svæðinu og hefur fylgst með því sem blaðamaður.  Hefði mátt ætla að íslenskir blaðamenn sem áhuga hafa, eða jafnvel skrifa fréttir um málefnin fyrir botni Miðjarðarhafs mundu mæta og hlusta á kollega sinn.

En dauðaþögn íslenskra fjölmiðla um þennan viðburð, sem án efa er hægt að fullyrða að sé sá stærsti og fróðlegasti um þess málefni síðustu 20 ár, afhjúpar tvískinnunginn, að ég ekki segi fordóma, og jafnvel fyrirfram ákvarðaðar skoðanir sem er ekkert annað en gyðingahatur.

íslenskir fjölmiðlar eins og visir.is birta greinar þar sem Benjamin Netanyahu, forsætisráðherra Ísraels "sakar leiðtoga araba"... allt í einu eru palestínumenn orðnir arabar (annars má aldrei halda því fram (sic)), staðhæft er að "undanfarin misseri hefur hnífaárásum fjölgað í Ísrael"  hvaða undanfarin misseri???  ef síðustu tvær vikur eru "misseri" í augum blaðamans er ekki skrýtið að fréttamenskan er á svona lágu plani á íslenskum fjölmiðlum.  Ísraelski unglingurinn er "sagður" vera á sjúkrahúsi...  gerið heimavinnuna ykkar.  Hann ER á sjúkrahúsi.  Einmitt þetta "sagði" er eitt af einkennum þess gyðingahaturs sem birtist í íslenskum fjölmiðlum.  Að æ ofan í æ taka fram að "Ísrael sagði", "Ísrael segir" "Ísrael segist" og "að sögn Ísraels" er merki um að blaðamennirnir dragi allt í efa sem kemur frá ísraelsmönnum....ólíkt vinum þeirra í hryðjuverkahópnum Hamas sem íslenskir fjölmiðlar taka fullt mark á þegar notaðar eru tölur um t.d. látna í átökum...en að efast um allt sem kemur frá öðrum aöilanum, sem hefur mun hærri siðferðislegann standard en t.d. Hamas, er tvískinnungur og þessi tvískinnungur í garð Ísraels er að sjálfsögðu ekkert annað en gyðingahatur.

Hér í Svíþjóð var sendiherra Ísraels spurður í útvarpi hvort gyðingar bæru sjálfir ábyrgð á hatrinu sem beinist gegn þeim.  Kæra var lögð fram á hendur ríkisútvarpinu þar sem það síðan var dæmt sekt um brot í starfi og starfsfólkið þar sett á námskeið um gyðinghatur.

kanski kominn tími á slíkt á Íslandi?


Viðbót við færslu fyrr í dag...

Fyrri færsla mín frá í morgun var skrifuð í snarhasti í hádegisverðinum í vinnunni svo ég vil biðjast afsökunar á öllum mál- og stafsetningarvillum...

Fyrr í dag skrifaði ég um hvatningar Abbas forseta palestínu til síns fólk að fremja hryðjuverk í Ísrael.  Hann fetar í fótspor fyrirrennara síns, Yassir Arafat, sem var alræmdur fyrir að segja "friður" á ensku við vestræna fjölmiðla og "stríð" á arabísku við arabíska.  Abbas, sá hinn sami og sagði að það væri betra fyrir palestínska araba að deyja í flóttamannabúðunum í Yarmouk í Sýrlandi en að afsala sér rétti sínum á að flytja til baka til Ísraels og fá eigur forfeðra sinna til baka.  Sá hinn sami Abbas og hefur sagt að það sé ekkert öruggt að ef stofnað verði ríki Palestínu að palestínskir arabar fái þar sjálfkrafa ríkisborgararétt. Sami Abbas og vill að palestínskir arabar fái að flytja aftur til Ísrael en mun aldrei líða að einn einasti gyðingur búi á palesínsku landi (enda eru bæði Gaza og Svæði A og B í Júdeu og Samaríu "judenrein")

Þessi Abbas hefur hvatt palestínumenn til ofbeldis og "heilags jihad" um áraraðir, hvatt þá til að keyra yfir fótgangandi í Jerúsalem, skírt barnaskóla og götur eftir hryðjuverkamönnum og framleitt skólabækur og barnafni sem er uppfullt af íslömsku ofbeldi og hvatningum til að drepa gyðinga.  

Þessi Abbas stóð síðasta miðvikudag frammi fyrir Sameinuðu Þjóðunum og talaði um "palestínska friðarmenningu" (Palestinian culture of peace).

Síðustu vikur höfum við fengið að sjá hvað hann meinar.

Palestínskir arabar bæði í Júdeu og Samaríu (vesturbakkanum) og austur Jerúsalem hafa í auknum mæli ráðist á saklausa gyðinga á ferð sinni.  Grýtt bíla, sparkað niður skólakrakka og Þangað til í dag ber hæst fyrirlitlegt morð á ungum hjónum sem skildi fjögur ung börn eftir munaðarlaus.

En það er með þungu hjarta sem ég les fréttir kvöldsins... bara nú seinni part dagsins hafur sporvagn verið grýttur af palestínumönnum, tuttugu og tveggja ára gamall karlmaður var handtekinn fyrir að kasta hnífum að fólki og að síðustu var tvítugur palestínumaður sem réðist á og drap tvo ísraelsmenn ásamt því að slasa illa unga móður og ungabarn hennar og fimmta mann lítillega. Eftir það tók hann upp byssu og byrjaði að skjóta villt en það virðist kraftaverki líkast að hann náði ekki að skaða fleiri áður en Ísraelsk lögregla var tilneydd að skjóta hann.  Annar mannanna sem hann drap var faðir barnsins og mamman var stunginn margoft og er haldið á lífi á spítala.

Hamas er þegar búið að kalla ódæðismanninn "hetju".

Abbas hlýtur að meina "palestinian culture of pieces" en enskan eitthvað að stríða honum...

Ég er ekki að sjá að þetta sé komið í íslenska fjölmiðla ennþá, en það verður fróðlegt að sjá hvernig þeim tekst að kenna Ísrael um þetta allt saman og hvernig "stuðningsmenn palestínu" geta réttlætt þessi hryðjuverk og kallað þetta fyrir "löglega sjálfsvörn".

og ég gleymdi... það var líka palestínumaður handtekinn í kvöld fyrir að keyra bíl sínum upp á gangstétt í því skyni að meiða eða drepa ísraelska borgara en náði víst bara að skaða einhvern lítillega....

Abbas þegir þunnu hljóði núna...

Þegar ísraelskir þegnar fremja hryðjuverk á palestínumönnum þá eru ísraelsk stjórnvöld og almenningur fljótur að bregðast við með fordæmingum og að koma rétti yfir þá er slíkt fremja.
Fordæmingarnar koma líka frá öllum heimshornum, Sameinuðu Þjóðirnar gefa út fordæmandi ályktanir og fjólmiðlar eru ekki lengi að láta til sín taka.

Þegar palestínumenn fremja hryðjuverk á Ísraelsmönnum heyrist ekkert frá alþjóðasamfélaginu, ekkert frá Sameinuðu Þjóðunum, fjölmiðlar segja frá nýjasta kjólnum hennar Kim Kardassian og Abbas skírir nýjar götur, barnaleikvelli eða skóla.

Palestínskir arabar fagna ógurlega, dreifa sælgæti og syngja gleðisöngva bæði á Gaza og í Júdeu og Samaríu.

Svo og í kvöld....

Það er allur munurinn....

ps. og ég var að fá fréttir að einnig fyrr í kvöld hefði palestínumaður grýtt sjúkrabíl sem var á hraðferð með lífshættulega slasaðann sjúkling.  Hver var sjúklingurinn?  Jú, palestínumaður sem hafði verið stunginn af öðrum palestínumanni sem hélt hann væri gyðingur...það er ekki einu sinni hægt að ljúga svona sögum....


smá útúrdúr vegna ömurlegrar fréttamensku...

ég verð bara að taka smá útúrdúr frá viðfangsefni mínu um tillögu Reykjavíkurborgar um viðskiptabann á ísrael...

Ástæðan er þreföld.  Óeirðirnar á musterishæðinni í Jerúsalem undanfarnar vikur. aðalfundur Sameinuðu Þjóðanna í New York sem hefur staðið yfir í tæpa viku og hryðjuverkaárásin í gyðingaparið í Júdeu og Samaríu (vesturbakkanum) í fyrradag og vanhæfni íslenskra (en einnig erlendra blaðamanna til að fjalla um málið.  Það virðist vera að eins og ritstjórum hjá fjölmiðlum, RÚV og fleirum, finnist getu- og þekkingarleysi blaðamanna á ástandinu í Ísrael sé þeirra stærsti kostur...

Óeirðirnar á musterishæðinni byrjuðu þegar gyðingar út um allann heim fögnuðu nýju ári Rosh Hashana, um miðjan septembermánuð.  Svo og í Ísrael...enda búa margir gyðingar þar...  áður gengin ár hafa verið haldnir uppi sömu siðir án þess að það hafi verið til stórfelldra vandræða.  Í ár, eftir hvatningar frá Mahmoud Abbas, forseta palestínumanna, byrjuðu strax mikil læti.  Musterishæðin, þar sem musteri Ísraelsmanna stóð til forna er tiltölulega stór og flöt hæð þar sem nú standa tvær moskur. Al-aqsa moskan og Dome on the Rock, og er gylltur kúpull hinnar síðarnefndu það sem sést á öllum póstkortum frá Jerúsalem.  Al-aqsa moskan er bærilega stór en lætur ekki mikið yfir sér og er staðsett meir "út á kanti" hæðarinnar og tiltölulega langt frá þeim stað sem musterið á að hafa staðið.  Segja má að hæðin sé þrískipt :al-aqsa moskan og umhverfi hennar sem er tiltölulega lítið, Dome on the Rock og umhverfi hennar og svo musterishæðin.  Waqf, nokkurs konar stjórnvöld musterishæðarinnar, er múslimskt og fer með umsjón yfir hæðinni.  Þarna er nóg pláss fyrir alla sem vilja og engin hætta á að tilbiðjandi gyðingar og múslimar, sérstaklega ekki nálægt Al-aqsa, trufli hvor aðra.

En í kringum Rosh Hashana byrjuðu miklar óeirðir frá múslimunum sem vildu meina gyðingum aðgang að musterishæðinni.  Ísraelsk stjórnvöld hafa alltaf séð til þess að svokallað "Status Que" sé til staðar þarna, þeas. að bæði múslimar, gyðingar og aðrir sem vilji geti tilbeðið sína guði óhindrað.... enda er trúfrelsi í Ísrael.

Eftir hvatningar frá t.d. Abbas byrjuðu múslimar að ráðast á gyðinga á hæðinni, meðal annars með grjótkasti (það eru til myndir af samansöfnuðum steinahrúgum innan úr Dome on the Rock sem notaðar eru til grjótkasts) líkamsárásum og öðrum truflunum.

Þetta hefur fjölmiðlum ekki þótt fréttnæmt og ef um er fjallað er eins og gyðingar séu að reyna að vanhelga Al-aqsa moskuna.  Ekkert getur verið fjarri sannleikanum.

Mahmoud Abbas hélt eina þá veruleikafirrtustu ræðu sem unirritaður hefur liðið undir í 40 mínútur á miðvikudaginn hjá Sameinuðu Þjóðunum.  Þar hvatti hann SÞ að samþykkja Palestínu sem fullgildann meðlim, málaði upp Ísrael sem ræningjabæli og talaði um "palestínska friðarmenningu" (Palestinian culture of peace)

Í kringum Rosh Hashana sagði aftur á móti sami Abbas um óeirðirnar á musterishæðinni, sem hann hafði sjálfur hvatt til : "við fögnum (we welcome) sérhverjum blóðdropa í Jerúsalem. Þetta er hreint blóð á leið sinni til Allah"

Í fyrradag voru svo ísraelsk hjón, búsett í Samaríu, drepinn í bíl sínum og fyrir framan fjögur börn sín á aldrinum 4 mánaða til 9 ára, af hryðjuverkahóp tengdum Al-aqsa Brigades, hinum vopnaða væng Fateh sem er flokkur Mahmoud Abbas.  Sá hópur hefur lýst því yfir að drápin voru "nauðsynleg vegna skyldu þeirra við heilagt jihad"

Drápunum hefur verið fagnað gríðarlega af palestínumönnum og hafa meðal annars hryðjuverkasamtökin Hamas kallað þetta ódæðisverk fyrir "hetjulega árás" (tveir menn sem biðu í leyni og skutu á bílinn þegar hann kom nálægt) og haldnar hafa verið fagnaðarhátíðir meðal palestínumanna bæði á Gaza og í Júdeu og Samaríu.

Það einkennilega við þetta allta saman að þegar þetta loksins ratar til fjölmiðla eins og RÚV að það er þetta allt orðið skrumskælt og lítur út eins og það sé ísrael og gyðingunum að kenna að þessi hjón voru drepin í engu öðru en hryðjuverkaárás.

Sænska SVT (samsvarandi RÚV) birti á textavarpi sínu smá frétt þar sem það lítur fyrir að þau hafi átt þetta skiið fyrir að hafa verið "landtökufólk" og hryðjuverkamennirnir kallaðir "skyttur" og RÚV getur ekki fjallað um málið án þess að blanda inn óróanum á musterishæðinni og ljúga til um að "Ísraelsk yfirvöld hafa meinað palestínumönnum aðgang að Al-aqsa msokunni í austurhluta Jerúsalem" eins og það sé ástæðan fyrir ódæðinu.

Er of mikið að ætlast til þess að blaðamenn sem fjalli um jafn viðkvæm mál geri heimavinnuna sína?


Tillaga Reykjavíkurborgar um sniðgöngu - Formáli.

Fyrsta bloggfærsla mín um "Stóra Ísraelsmálið" átti að verða sú eina, en eftir nokkrar athugasemdir við þá færslu og eftir að hafa hugsað betur um hvað málið fjallar, hef ég ákveðið að kryfja þetta enn frekar.  

Ætlun mín er að fara í gegnum tillöguna lið fyrir lið og sýna fram á af hverju hún er gyðingahatur...eða réttara sagt af hverju tillagan er greinilega innblásin af, og opinberar, gyðingahatur.

Ég mun gera þetta eftir því sem tími minn leyfir svo að þetta verður ekki reglulegt, ekki búast við nýrri færslu hvern föstudag, eða miðvikudag, en ég mun fara skipulega í gegnum þetta.

Það er ómögulegt að gera þetta af nokkru viti án þess að kafa í sögu Ísraels, gyðinga, Palestínu, hin ólíku tjáningarform gyðingahaturs osvfrv. svo að sum blogginnleggin gætu orðið löng, en ég mun að sjálfsögðu reyna að hafa þetta eins stutt og mögulegt er og vil ég gjarnan hvetja þá sem lesa til að t.d. googla orð, atburði, persónur og annað sem ég mun nefna til að geta sjálf myndað sér skoðun. Og einmitt af þeim sökum mun ég setja fram margar fullyrðingar án útskýringa eða heimilda.

Ég mun t.d. sýna fram á af hverju svör sem við sjáum oft, eins og "Það má enginn gagnrýna Ísraelsk stjórnvöld í dag án þess að vera ásakaður um gyðingahatur" er eitt af einkennum gyðingahaturs ásamt öðrum álíka. Hlutverk Íslams í deilunni, sögufalsanir, Pallywood, ályktanir Sameinuðu Þjóðanna og nokkrar lykilpersónur sem hafa stuðlað að þróun mála og hvað hlutverki þetta fólk gegndi.

Tilgangur minn með þessu er að sjálfsögðu að veita upplýsingar.

Í dag er komin upp sú staða, kanski ekki á Íslandi en í mörgum löndum í Evrópu, að t.d. kennarar í skólum geta ekki kennt um helförina án þess að verða fyrir áreiti og oft á tíðum geta þeir ekki einu sinni svarað þegar nemendur sem afneita Helförinni halda því fram að hún hafi aldrei átt sér stað. Gyðingahatur og "tungumál" gyðinghaturs hefur smeygt sér inn í daglegt líf fólks og deyft tilfinningu þess fyrir þessum hættulega vágesti.  Hver hefur ekki heyrt sagt að einhver sé "meiri gyðingurinn" ef hann er nískur og annað álíka.  Gamla fullyrðingin "Það byrjar alltaf með gyðingunum en endar aldrei með þeim" er alveg sönn og má segja að gyðingahatur sé undanfari menningarhnignunar.  Ef þú samþykkir og leyfir gyðingahatri að grassera í þjóðfélaginu er það bara tímaspursmál þangað til aðrir hópar verða fyrir hinu sama og á endanum höfum við upplausn þar sem hver höndin er á móti annarri.

Þannig að það er mikilvægt að gyðingahatur fá ekki fótfestu í þjóðfélaginu.  Að samþykkja gyðingahatur er að "skjóta sig í fótinn", eða að "saga af greinina sem maður situr á".

En... nóg um það í bili...vonandi verður þetta pár mitt til þess að tillagan sem á að leggja fram í breyttri mynd verði aldrei lögð fram því það yrðu gríðarleg mistök með ófyrirsjáanlegum afleiðingum.

Í næstu færslu mun ég svo byrja á tillögunni, fyrstu vitleysunni sem kemur þar fram strax í fyrstu málsgreininni.  Nefnilega að Reykjvíkurborg "sniðgangi í innkaupum sínum vörur frá Ísrael á meðan hernám Ísraelsríkis á landssvæði Palestínumanna varir." nánar tiltekið munum við kíkja á hernámið og landssvæði Palestínumanna....


Rökvillur, gyðingahatur og sögufalsanir Palestínumanna.

Ég er búinn að fylgjast með "Stóra Ísraelmálinu" eins og það hefur verið kallað síðustu vikurnar, tillögu Bjarkar Vilhelmsdóttur, cirkusinn í borgarstjórn og eftirmálana sem hafa verið birtir í fjölmiðlum nú dagana eftir á.  Sem einn sem hefur fylgst með þessu síðustu 20 árin, eytt hundruðum klukkutíma í lestur á ályktunum Sameinuðu Þjóðanna, sögu Ísraels/Palestínu, alþjóðlegar rannsakanir, fréttir í fjölmiðlum, skýrslur osvfrv. tel ég mig vita lítið eitt um málið og hef þess vegna ákveðið að tjá mig.

Í fyrsta lagi blöskrar mér þekkingarleysið sem er allsráðandi.  Sérstaklega hjá fólki sem segist styðja Palestínumenn, sitja jafnvel í stjórnum félaga eins og félagsins Ísland-Palestína, borgarfulltrúum og ekki síst blaðamönnum sem virðast bara gleypa allt hrátt án þess að hafa rænu á að spyrja heilbrigðra gagn-spurninga eins og t.d. þegar að Ísrael er kennt um ástandið á Gaza hvort það geti mögulega verið eitthvað til í að hryðjuverkasamtökin Hamas beri einhverja ábyrgð á ástandinu.

En byrjum á byrjuninni.

Þann 15 september síðastliðinn lagði Björk Vilhelmsdóttir, sem vill svo til að er gift Sveini Rúnari Haukssyni formanni félagsins Ísland-Palestína, fram tillögu sína, sem hún hefur reyndar sagt að hafi ekki verið hennar tillaga... og líka sagt að hafi verið hennar tillaga... og Dagur B. Eggertson, borgarstjóri Reykjavíkur og ræðumaður á útifundum hjá félaginu Ísland/Palestína, hefur sagt að var tillaga Bjarkar og að samþykktin hafi verið hálfgerð gjöf til Bjarkar vegna þess að hún var að hætta til að geta farið að vinna sem sjálfboðaliði fyrir palestínumenn en jafnframt að það hafi verið hálfgert klúður að þetta leit út eins og einhvers konar kveðjugjöf.... ég sagði ykkur að þetta væri cirkus...

Tillagan mætti harkalegum viðbrögðum frá Ísraelsvinum og Ísrael og gyðingum út um heim allann, sem borgarstjóri hefur viðurkennt að ekki hafa búist við og að tillagan hafi ekki verið nógu vel undirbúin og vitlaust sett fram þrátt fyrir árs langa meðhöndlun hjá borgarstjóra með lögfræðingum og öðrum... og voru borgarfulltrúar janfnvel sakaðir um gyðingahatur... sem Björk sagði að væri alveg fráleitt að draga inn í umræðuna.

En af hverju þessi harkalegu viðbrögð?

Vandamál tillögunnar, og það sem vekur þessi viðbrögð er tungumálið sem er talað í henni. Orð og setningar eins og: "hernám Ísraelsríkis á landsvæði Palestínumanna", "sniðganga" (enska orðið "boycott"), "landamæranna frá því fyrir sex daga stríðið árið 1967", "kynþáttaraðskilnaðarstefnu stjórnvalda í Ísrael", mannréttindi eru ekki virt og alþjóðasamþykktir", "Suður-Afríku" (tilvísan í aðskilnaðarstefnu Suður-Afríku áður fyrr) og að sjálfsögðu er vitnað í ályktun sameinuðu Þjóðanna nr. 242 og að endingu talað um að svona þvinganir hafi gefið góða raun síðastliðin ár.

Það er mjög einfalt að hrekja allar þessar rökleysur.  T.d. er engin aðskilnaðarstefna Ísraelskra stjórnvalda til og alls ekki hægt að líkja því við Suður-Afríku, landamæri frá því fyrir sex daga stríðið eru heldur ekki, og hafa aldrei verið, til, og hernám á landsvæði Palestínumanna er bara bull útí bláinn.

Meira bull, og til að gefa dæmi um rökvillur þessara "stuðningsmanna Palestínu" er t.d. það sem Valdimar A. Arnþórsson, stjórnarmaður í félaginu Ísland-Palestína, skrifar á visir.is í gær, 25 september.  Valdimar segir meðal annars: "...skiptingu Bresku Palestínu á milli Palestínumanna og Ísraelsmanna...".  Hvernig var hægt að skipta "Bresku Palestínu" sem hét reyndar bara "Palestína" á þessum tíma, en bretar voru með umsjón yfir, á milli "Palestínumanna" og "Ísraelsmanna" þegar að Ísrael var ekki ennþá orðið til og íbúar Palestínu sem voru gyðingar, arabar, kristnir, drúsar ofl. voru allir kallaðir "Palestínumenn"?  Til að aðskilja íbúana var t.d. talað um "Palestínu-gyðinga" og "Palestínu-araba", nafn sem gyðingarnir voru sáttir við en arabarnir hötuðust við á þessum tíma. Reyndar vildu arabar landins alls ekki kallast "Palestínumenn" fyrir 1967.

En svona er nú öll þekking "stuðningsmanna Palestínu" í molum.

En hvað varðar orðalag tillögu Bjarkar, þá er hér notast við tungumál BDS samtakanna, sem félagið Ísland-Palestína styður heilshugar, og hvetur félagsmenn sína til... þrátt fyrir yfirlýsta andstöðu Mahmoud Abbas, forseta Palestínu gegn sniðgöngu á Ísrael.

BDS samtökin eru gyðingahaturssamtök, sem varð mjög augljóst í ágústmánuði þegar samtökin reyndu að þvinga bandarískann tónlistarmann, sem er gyðingur, til að skrifa undir skjal þar sem hann lýsti yfir stuðningi sínum við Palestínu.  Hér er ómögulegt að bera það fyrir sig að um "gagnrýni á Ísraelsk stjórnvöld" sé um að ræða.

Upphafsmenn BDS hafa lýst því yfir að samtökin séu endalok Ísraelsríkis... hér er verið að tala um að þurrka heilt land út af kortinu... enda hefur Omar Barghouti, einn stofnandi og talsmaður samtakanna, margoft lýst yfir andstöðu sinni við "Tveggja ríkja lausnina"... er það í samræmi við stefnu Íslenskra stjórnvalda?... eins og reyndar Abbas og yfir 80% af paestínumönnum nú gera samkvæmt síðustu könnun.

Það er nú varla hægt að halda því fram að maður sé ekki gyðingahatari og á sama tíma vilja eyða ríki gyðinga af yfirborði jarðar?  Einn yfirlýstur stuðningsmaður við málstað Palestínumanna hefur sagt að henni finnst "ganga allt of hægt að eyða ísraelsríki"...

Ísrael er trygging þess að aldrei aftur muni helmingur gyðinga heimsins verða skipulega myrtur í tilraun til að gereyða þeim eins og við þekkjum frá Seinni Heimsstyrjöldinni.  Þannig að allt tal um að eyða ríki þeirra ræðst á þetta öryggi þeirra og er að sjálfsögðu ekkert annað en gyðingahatur.

Að félagið Ísland-Palestína, sem segir að markmið sitt sé að "stuðla að jákvæðum viðhorfum til ísraelsku og palestínsku þjóðanna" deilir sæng með haturssamtökum eins og BDS, tekur upp og umfaðmar tungumál þess, sögufalsanir (eins og heimasíða félagsins er full af) og aðrar lygar eins og að Ísrael sé að fremja "þjóðarmorð" á Palestínumönnum... sem fjölgar um rúmlega 50.000 á ári (þjóðarmorð fækka fólki)... osvfrv. þá er félagið löngu búið að yfirgefa markmið sín og orðnir þáttakendur í sama gyðingahatri og hrjáir fleiri milljónir manna útum allann heim, sérstaklega í Mið-Austurlöndum og Evrópu þar sem gyðinghatursbrotum hefur fjölgað um ca 400% á síðasta ári.

Allann fjárstuðning til félagsins Ísland-Palestína, ef einhver er frá hinu opinbera, ætti að stöðva nú þegar.

Að svo borgarstjórn Reykjavíkur taki við þessari tillögu og samþykki, þrátt fyrir greinilegt gyðingahatur, er merki um alvarlegann dómgreindarbrest.  Það var ekkert annað í stöðunni fyrir borgina en að draga hana til baka, ef borgaryfirvöld vilja virkilega virða mannréttindi og réttlæti þá væru það alveg stórkostleg mistök ef Reykjavíkurborg léti sér detta í hug að leggja fram tillöguna í nýrri og breyttri mynd.

Ef borgarstjórn vill kynna sér málið frekar áður en þeir leggja  vanhugsaða gyðingahaturstillögu fram að nýju er ég boðinn og búinn til útskýra fyrir þeim hvað er í húfi og hvað þau eru að í rauninni að gera.

Og þá sleppa þau líka við þann stimpil sem þau munu fá og þann skaða sem það mun valda landi og þjóð.

Virðingarfyllst, Viktor Harðarson.
Höfundur er áhugamaður um málefni Mið-Austurlanda og ábyrgur fyrir öllu stafrænu efni sem kemur frá félaginu Svíþjóð-Ísrael í Stokkhólmi.


Innskráning

Ath. Vinsamlegast kveikið á Javascript til að hefja innskráningu.

Hafðu samband